मुंबई: शिक्षण हक्‍क कायद्याअंतर्गत आवश्‍यक परवानगी न घेतल्‍याने मुंबईतील 246 शाळा अनधिकृत जाहीर करण्‍यात आल्‍या आहेत. मुंबई महापालिकेच्या शिक्षण विभागाने 230 शाळा अनधिकृत ठरल्‍या आहेत.तर उपसंचालक कायार्लयाअंतर्गत असलेल्‍या 16 शाळा अनधिकृत ठरल्‍या आहेत.

शिक्षण हक्‍क कायद्याअंतर्गत शाळांना दरवर्षी मान्‍यता घेणे आवश्‍यक असते. मात्र अनेक शाळा ही मान्‍यता घेत नाहीत. यामुळे या शाळांना अनधिकृत ठरविल्‍या जातात. मुंबईत एकूण 246 शाळा अनधिकृत ठरल्‍या आहेत. मुंबई पालिका क्षेत्रात 230 शाळांनी मान्‍यता न घेतल्‍याने त्‍या अनधिकृत ठरल्‍या आहेत.  उपसंचालक कायार्लयाअंतर्गत असलेल्‍या 16 शाळा अनधिकृत ठरल्‍या आहेत. या शाळांनी वेळीच मान्‍यता नाही घेतली तर येथे शिकणाऱ्या विद्यार्थ्यांना विविध लाभ मिळू शकणार नाहीत. शाळांमध्‍ये शिक्षण हक्‍क कायद्यानुसार शाळांमध्‍ये सुविधा आहेत की नाही हे पाहून या शाळांना मान्‍यता देण्‍यात येते. मान्‍यता नसेल तर या शाळांना शिक्षण हक्‍क कायद्यानुसार मिळणारे फायदे मिळू शकत नाहीत. मुंबईसह पालघर, ठाणे जिल्‍ह्यातही अशा परवानगी न घेतलेल्‍या शाळा आहेत. पालघर जिल्‍ह्यात ही संख्या 160, ठाण्‍यात 162 तर रायगडमध्‍ये 12 शाळा अनधिकृत आहेत.  

मुंबई विभागातल्या ताज्या बातम्या वाचण्यासाठी येथे क्लिक करा.
 
अशा शाळांना एक लाख रुपयांपर्यंतच्‍या दंडाची तरतूद आहे. शिक्षण हक्‍क कायद्यातील तरतूदीनुसार हे प्रमाणपत्र घेणे आवययक असते. तर शाळांनी ही परवानगी नाही घेतली तर त्‍यांना पत्र पाठविले जाते. त्‍यानंतरही परवानगी न घेतल्‍यास प्रतिदिन दहा हजार रुपयांच्‍या दंडाची तरतूद आहे. या शाळांवर कारवाई करण्‍याचे अधिकार उपसंचालक जिल्हाधिकारी यांना याचे अधिकार आहेत, असे असूनही अनेक शाळांवर कारवाई झालेली नाही. यामुळे अशा शाळांवर कारवाई करावी अशी मागणी होत आहे.

हेही वाचा-Mumbai Police: मुंबई पोलिसांचे ऑपरेशन ऑलआऊट

----------------------------------

(संपादन- पूजा विचारे)

Mumbai news 246 unauthorized schools Education Department bombay Municipal Corporation